迷你小巧的玻璃瓶中花，盛載著兩朵手造的紅色小花，精緻的造工令人愛不釋手，同時寓意新人的感情像瓶中花一樣永不凋謝，永遠的相伴。 參考連結︰https://www.etsy.com/…/616430363/10-wedding-favors-for-gues… Photo Credit︰etsy 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

安床儀式多數喺結婚前一晚進行，寓意父母將傳宗接代嘅重任交俾新人。 　 ．鋪床 選擇安床吉日及吉時，由好命佬負責將床搬到適當嘅位置，再由好命婆負責舖床嘅程序 (好命佬/婆意思︰身心康寧、婚姻和睦、兒孫滿堂嘅人) 　 ．撒床 將各式各樣嘅喜果，包括八京果、芽菇等撒在婚床上， 然後再將薑、紅雞蛋放喺子孫桶入面(意思︰子孫興旺) 　 ．壓床 鋪好床後，搵一個清靈活潑嘅小朋友跳床+食喜果，喻為百子千孫、早生貴子 　 《❌禁忌❌》 1. 「破日」唔合適安床，需要擇吉日安床 2. 安床之日唔可以同新郎、新娘嘅生肖相沖 3. 安床儀式進行時，屬虎嘅親友需要迴避 4. 安床之後任何人都唔可以入新房同觸碰床舖，直至到新人結婚當晚入房為止 Photo Credit︰internet 刊登：I Do Centre愛都中心Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

拎返男家禮物嘅一半送返俾男方，而且物品嘅數目一定要係雙數！ 1. 茶葉(意思︰矢志不移)、有頭生菜及回門甘蔗(意思︰開枝散葉)、生果 2. 蓮藕(意思︰佳偶天成)、石榴(意思︰百子千孫)、扁柏、利是、大吉、芋頭、 薑各一對 　 3. 賀帷巾 　 4. 送俾男方嘅長褲(意思︰長命富貴)、皮帶、銀包(內置利是)及襪兩對、鞋一對(意思︰同偕到老) 　 5. 回聘金、茶、煎堆、鬆糕大發及檳榔一個(意思︰一郎到尾) Photo Credit︰Facebook@雨僑 刊登：I Do Centre愛都中心Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

1. 龍鳳禮餅︰男女雙方各一對。禮餅一擔可以分四式、六式及八式(即係分別可以揀四種、六種或八種嘅禮餅)，記得一定要雙數 　 2. 椰子︰意思為有爺有子。父母健在用兩對，否則一對就可以 3. 茶葉、芝麻︰因為種植時唔可以移植，意思即雙方結婚後，女方就需要守信不渝 4. 海味︰可選擇鮑魚、蠔豉、乾瑤柱、冬菇、蝦米、魷魚、海蜇、魚肚、髮菜(必需有)等，有四式、六式、八式(即係分別可以揀四種、六種或八種嘅海味) 　 5. 三牲︰雞兩對，兩雄兩雌，父母健在用兩對，否則一對就可以。豬肉二至五斤，起雙飛(即一片切開但底部相連，喻意家肥屋潤)。魚，大魚或鯪魚一對 　 6. 檳榔︰一對。意思為白頭到老 　 7. 四涼果︰湘蓮子、百合、紅棗、圓肉、荔枝乾、合桃或花生任揀四種 　 　 8. 帖盒(禮金盒)︰除咗放禮金之外，另外需要放蓮子、百合、青萋、扁柏、檳榔、芝麻、圓肉、合桃、紅豆、綠豆、紅頭繩、利是、金飾 　 9. 龍鳳燭兩對及一副對聯 　 10. 其他︰煙、酒、生果等 刊登：I Do Centre愛都中心Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

「三書」 　 聘書︰訂親之書，男女雙方正式締結婚約，用喺納采嘅時候 　 禮書︰過禮之書，詳細列明禮物種類同數量，用喺納徵嘅時候 　 迎親書︰迎接新娘之書，結婚當日接新娘過門嘅時候用 　 「六禮」 　 納采︰古代男方會請媒人尋找好嘅女家提親，依家嘅講法叫「提親」 　 問名︰男方會探問女方姓名、生日時辰，用嚟夾八字，依家嘅講法叫「合八字」 　 納吉︰經過占算雙方八字之後，如果男女雙方嘅八字相配，就會請媒人連同聘書+薄禮到女方果邊，依家嘅講法叫「過文定」或「小定」 　 納徵︰男家會送聘禮到女家，當中包括禮盒、禮餅、禮物、祭品等，依家嘅講法叫「過大禮」、「大定」 　 請期︰男家會請算命先生擇日拜堂成親，依家嘅講法叫「擇日」 　 親迎︰婚禮之日，新郎會坐禮車赴女家迎接新娘 　 *不過依家已經將傳統婚禮嘅程序化繁為簡，大部份新人只會分別完成「擇日」、「過大禮」、「親迎」呢幾個程序* 刊登：I Do Centre愛都中心Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

將你嘅聲音波形畫一幅，例如講我願意、我愛你嘅時候，屬於你哋獨有嘅畫作就出現啦，可以用嚟佈置新屋，特別得嚟仲非常耐看！ 參考連結︰https://www.aimeeweaverdesigns.com/products/sound-wave-i-do-canvas-art-set-customizable Photo Credit︰aimeeweaverdesigns 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

如果你較鐘意簡約風格又著重蛋糕嘅味道，其實可以選擇一個比較簡單嘅結婚蛋糕，上面再用金屬文字裝飾，例如用︰mr & mrs 、 love 等等！ Photo Credit︰pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

婚禮上面除咗新郎新娘係觸目嘅主角之外，小花童亦都係非常吸睛嘅角色之一，因為佢哋造型夠晒可愛，同時又可以帶動全場氣氛，所以特別受歡迎！ 事不宜遲，立即睇睇精選咗嘅星級小花童，當日包括︰喬治小王子、夏洛特小公主、咘咘&波妞、飛翔兄弟、石頭&王詩齡！ Photo Credit︰pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

只需要用到綿花+燈泡呢兩個主要材料就可以整到夢幻程度爆表嘅雲朵裝飾喇！雲朵裝飾漂浮喺半空之中，感覺好似將天空搬咗入去室內一樣！ Photo Credit︰pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

千里姻緣一線牽，月下老人一早已經將紅線牽連兩個人嘅緣份，呢個說法係屬於好耐以前嘅古老傳說，而日本嘅準新人最近就大熱一種兩人牽著紅線嘅結婚照，再加入唔同形狀嘅紅線，令到古老嘅浪漫傳說成為今日嘅流行婚照！ 可以試下自己DIY啊！ https://marry-xoxo.com/articles/7969 Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)