結婚前除咗要準備婚禮上嘅野之外，新娘保養就係最重要一環喇！如果之前一直都冇好好重視保養呢個環節嘅妳，可能會覺得無從入手唔知點開始好，依家就一齊睇下結婚前半年嘅保養時間表啦！大家可以根據以下嘅項目設計出屬於自己嘅保養時間表，跟住個時間表去做咁就會事半功倍喇！ 6️⃣個月前 開始進行減肥計劃，改善飲食&生活作息習慣，令身體由內到外變美 5️⃣個月前 集中肌膚問題進行一系列嘅護理，例如︰缺水、色斑、暗瘡等。另外亦可以開始接受相關激光除毛療程，確保big day當日可以成為一個皮膚滑嫩嘅新娘子 3️⃣個月前 進行手足護理，定期去角質&加強滋潤保濕，可以淡化細紋 2️⃣個月前 如果因為染髮、平時護理不當而令到頭髮變得雜亂毛燥，就要開始修剪受損頭髮再加保養髮質 1️⃣個月前 選擇露背婚紗嘅新娘子可以開始進行背部保養+腋下保養，去除暗沈&痘印。另外美白牙齒亦都係好重要嘅環節，擁有雪白嘅牙齒就可以展現燦爛嘅笑容 2️⃣個星期前 有染髮習慣嘅新娘可以喺結婚前2星期修剪頭&補染頭髮 1️⃣個星期前 由於指甲嘅生長速度比較快，所以建議喺big day前1星期進行美甲。其次就要加強肌膚保濕，保持愉快心情準備做個最美嘅新娘子 Photo Credit︰instagram@q_gill 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

結婚嘅前夕，一對新人都需要選擇一個吉時喺各自嘅屋企入面進行上頭儀式，上頭儀式亦可以理解成新人嘅成人禮，同時給予佢地祝福！依家就立即睇睇上頭過程需要準備嘅物品同過程啦！ 男家上頭物品清單 一對龍鳳燭 扁柏 蓮子紅棗 龍眼乾 燒肉燒雞 生果 香燭 三碗湯丸  *每碗3-9粒 尖頭梳 鏡子 紅繩 子孫尺 女家上頭物品清單 一對龍鳳燭 扁柏 蓮子紅棗 龍眼乾 燒肉燒雞 生果 香燭 三碗湯丸 *每碗3-9粒 圓頭梳 鏡子 紅繩 子孫尺 針線包 上頭過程︰ 1. 新人先用碌油葉沐浴，然後著上新嘅內衣、睡衣 2. 選擇喺能夠望到月光位置嘅窗前放張枱，枱面放上清單內嘅物品 3. 點起龍鳳燭代表儀式正式開始，新人向天地、先人參拜 4. 然後「好命佬」 /「好命佬」 開始為新人梳頭，梳頭期間會配合吉祥語(一梳梳到尾, 二梳梳到白髮齊眉,三梳梳到兒孫滿地,四梳梳到四條銀筍盡標齊。) 5. 流頭完畢後，新郎會將扁柏+紅頭繩放喺口袋入面，而新娘就會將扁柏+紅頭繫喺頭髮上面 6. 食湯圓，代表婚姻圓滿長久 7. 最後等龍鳳燭燃盡之後就代表儀式完畢，新人就可以上床休息 溫馨提示︰ 1.根據傳統男先女後，男方要比女方早大概1個鐘上頭 2.「好命佬」 /「好命佬」指全福人，有兒有女、家庭生活幸福嘅人 3. 上頭前應該先貼上結婚對聯，而男方/女方亦都擁有唔同嘅對聯，買之前記得問清楚 Photo Credit︰葉翠翠facebook 刊登：I Do Centre愛都中心Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

花一向都係婚禮入面嘅主角，但係有陣時反客為主試吓用綠色嘅植物做主要裝飾，例如︰芭蕉葉，原來可以有完全唔同嘅感覺，予人一種更加簡單純粹嘅感覺！ Photo Credit︰pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

就嚟聖誕節喇！唔知道大家諗好咗點樣同另一半過未呢？其實就算冇特別預備一啲慶祝活動都唔緊要，因為只要另一伴一直陪伴身邊就已經係最好嘅活動☺️，立即帶大家睇睇韓國三位絕對唔可以錯過嘅插畫家 ，分別就係 Puuung、Myeongminho、Zipcy 집시，每個都擁有唔同畫風同表達方式💭，但係佢哋都係一樣繪畫緊情侶日常嘅小互動，傳達愛嘅畫面！ Myeongminho作品1 吹頭髮呢個任務緊係教俾佢啦！ Myeongminho作品2 無論做啲咩都要兩個人一齊！ Myeongminho作品3 一齊經過無數個匆忙嘅早上~ Puuung作品1 當你傷心嘅時候，佢永遠都係第一個陪住你身邊！ Puuung作品2 一齊食住零食馬拉松式睇電影係最好嘅消閒活動！ Puuung作品3 有陣時唔需要傾計，靜靜咁陪伴已經好足夠。 Zipcy 집시作品1 雖然已經係情侶但亦都係可以傾心事嘅朋友，一齊把酒談心嘅晚上 Zipcy 집시作品2 最期待就係一齊耍廢嘅日子 Zipcy 집시作品3 最簡單嘅舉動，已經甜入心！ Photo Credit︰Instagram@minho,facebook@puuung1,facebook@zipcy88 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

你可能會覺得為愛紋身係年少輕狂，但係如果以無名指紋身代替戒指又會唔會係將一生一世嘅承諾實體化呢？紋身過程所承受嘅痛楚，可能會令你對大家嘅婚姻更刻骨銘心，甚至乎係屬於彼此嘅獨特記認，立即睇睇屬於佢哋嘅戒指tattoo！ 1.可以透過特別嘅符號，表示對彼此無限嘅愛意 2.採用特別顏色再加上漸變效果，感覺更特別 3.簡單純粹嘅黑色線條亦都係唔錯嘅選擇 4.利用簡單嘅線條配合唔同嘅顏色表達 5.紅色代表姻緣，連繫大家嘅心 ⚠️紋身前請三思，切勿因衝動或盲目追隨潮流而進行⚠️ Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

原來婚禮入面嘅Table Setting係可以咁細緻！由顏色配搭、選擇餐具材質、再到裝飾嘅選擇都非常講究，點樣可以做到高貴優雅而唔俗套，大家一齊嚟研究吓！ 1.顏色 顏色方面盡量唔好超過5種，要著重色調嘅一致性 2.裝飾 選擇簡約嘅花卉、桌布做點綴 3.擺位 整齊平衡嘅擺法，其次將碟按大細疊起亦可增加畫面嘅層次感 Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

嚟自日本同外國新人嘅Big Day Idea，原來佢哋會製作一張關於Big Day當日流程嘅Timeline，採用手繪嘅方式✍️，加入簡單嘅圖案、時間、文字，一張清晰又美觀嘅流程表就完成喇！ Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

如果你搵唔到一支岩心水嘅婚禮簽名筆，咁不如自己自製1支，過程簡單而且仲非常舒壓！大家一齊嚟睇睇要準備d咩工具&材料！👀 立即自己DIY一支靚靚簽名筆！ 準備材料︰ 1. 羽毛 2. 絲帶(12mm) 3. 指甲裝飾貼 4. 鉛子筆/墨水筆 準備工具︰ 1.雙面膠紙 2. 膠紙 3. 剪刀 4. 超能膠 5. 細畫筆 1.先取出鉛子筆/墨水筆中的筆芯 2. 利用細畫筆將筆頂蓋推開 3.再將筆芯套回筆套，拿走筆頂頂蓋 4.把羽毛放在筆頂，再以膠紙黏貼固定位置 5.利用雙面膠紙黏貼整支筆套 6.然後再捲上絲帶 7.最後以指甲裝飾貼裝飾筆頂與羽毛的接駁位置 Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

除咗正式嘅結婚相之外，其實都可以影二人生動鬼馬嘅手指合照，畫上簡單嘅表情同加上一啲小配件，例如︰頭紗、煲吠、花等等，當然唔少得重要嘅主角戒指啦，只需要簡單嘅設計，就可以影出玩味十足嘅得意相！ Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)

如果你想影一啲構圖特別嘅結婚相，不妨試下簡簡單單用戒指嚟幫幫手，只要搵啱角度就可以影到一輯得意又有睇頭嘅結婚相，建議選擇陽光比較充足嘅環境，咁樣就可以更加容易突顯一對新人喇！ Photo Credit︰Pinterest 刊登：GP Wedding Club籌備婚禮第一站Facebook專頁 Wedding Bloom 繽紛意念 www.weddingbloom.com A Project of GP Wedding Club (Fans Page: www.facebook.com/gpwedding)